"Djalin në burg, bashkëshorti i vdekur...", fqinjët në Korçë tregojnë si e gjetën gruan e pajetë në banesë (VIDEO)

70-vjeçarja, Bajame Memetali u gjet e pajetë në banesën e saj në Korçë.

Fqinja e saj, e cila denoncoi rastin në polici, pasi nuk e kishte parë prej ditësh, tha Dhorjela Çule se e ndjera jetonte e vetme dhe në kushte të vështira.

Ajo zbuloi se 70-vjeçarja vuante nga probleme shëndetësore dhe se djalin e kishte në burg.

“U shqetësuam se nuk e kishim parë dhe hymë në shtëpi disa fqinjë. E pamë që kishte ndërruar jetë. Ajo jetonte vetëm, djalin e kishte në burg, bashkëshorti kishte ndërruar jetë dhe nuk kishte njeri tjetër këtu.  Një motër e kishte në Tiranë, por ajo vinte rrallë ta shihte. Kishte probleme shëndetësore pasi disa kohë më parë ishte rrëzuar nga kati 4 dhe nuk dilte dot nga shtëpia. Jetonte në kushte të vështira.“, u shpreh fqinja.