E mitura largohet nga banesa në Pogradec, nëna kërkon ndihmën e policisë për ta gjetur

Një 17-vjeçare është larguar nga banesa në Pogradec dhe nuk është kthyer ende.

Ka qenë nëna e së miturës ajo që ka deklaruar në polici se vajza nuk i është kthyer ende.

Menjëherë ka nisur puna për gjetjen e saj.

Njoftimi i policisë:

“Më datë 29.09.2022, në Komisariatin e Policisë Pogradec, është paraqitur shtetasja L. T., 38 vjeç, banuese në Pogradec, e cila ka deklaruar se i është larguar nga banesa vajza e saj 17-vjeçare.

Nga ana e Policisë po punohet për gjetjen e saj”, njofton policia.