E kuptoi se do arrestohej, momenti kur inspektori i Gjirokastrës ikën me vrap dhe i shpëton AMP-së

Një aksion është zhvilluar sot nga Agjencia e Mbikqyrjes Policore në Gjirokastër ku në pranga kanë rënë 5 persona dhe një tjetër i shpallur në kërkim, nën akuzën e shpërdorimit të detyrës pasi kanë lejuar kalimin e emigrantëve të paligjshëm për në Shqipëri, si dhe kalimin e mallrave kontrabandë.

AMP arrestoi shefin e Krimeve, Alfred Kondi dhe 4 persona të tjerë, ndërsa një prej inspektorëve është larguar me vrap.

Në përpjekje për t’u arratisur kalon edhe murin dhe më pas zhduket nga fushëpamja e kamerave të sigurisë.

Feim Onjeza, Trupë Shërbimi Operacional në forcën e posaçme Shqiponja, i dyshuar për veprat penale “Shpërdorim i detyrës” dhe “Shpërdorim i autoritetit policor” kryer në bashkëpunim. Aktualisht i shpallur në kërkim.

Gjatë hetimeve disa mujore është zbuluar së këta persona kanë lejuar kalimin e emigrantëve të paligjshëm në kufi. Gjithashtu ata kanë favorizuar shtetas të tjerë për kalimin e mallrave kontrabandë si dhe organizmin e lojërave të fatit me qëllim përfitimin prej tyre në vlera monetare.