Akuzat ndaj kryebashkiakut të Kolonjës Erion Isai, SPAK del me NJOFTIMIN e papritur

SPAK ka zgjatur me 3 muaj hetimet për kryebashkiakun e Kolonjës, Erion Isai.

Prokuroria e Posaçme ka zgjat deri në muajin shkurt afatet hetimore për kryebashkiakun e Kolonjës dhe për 5 zyrtarë të tjerë të Bashkisë, që akuzohen për veprën penale “shkelje e barazisë së pjesëmarrësve në tenderë apo ankande publike” , “shpërdorim detyre” dhe “falsifikim dokumentesh”.

Hetimi i tyre ka lidhje me dy tenderë të rëndësishëm që janë zhvilluar në këtë bashki: ai për ndërtimin e rrugës Korçë-Ersekë dhe tenderi për Ujësjellësin e Kolonjës.