Dhunoi fizikisht mbesën e tij, arrestohet 34-vjeçari në Gjirokastër

Një person është arrestuar ditën e sotme në qytetin e Gjirokastrës.

Sipas njoftimit të policisë, shtetasi me iniciale E. L., 34 vjeç ka ushtruar dhunë fizike ndaj mbesës së tij, e cila u pajis me urdhër mbrojtjeje.

Ende nuk dihen rrethanat pse ka ushtruar dhunë ndaj mbesës së tij, por policia është duke punuar për zbardhjen e plotë të rrethanave.

"Specialistët për Hetimin e Krimeve të Komisariatin të Policisë Gjirokastër arrestuan në flagrancë shtetasin E. L., 34 vjeç, banues në Gjirokastër, pasi ka ushtruar dhunë fizike ndaj mbesës së tij, e cila u pajis me urdhër mbrojtjeje", njoftoi policia. 

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, për veprime të mëtejshme.