Gjin Gjoni flet pas fitores: Do fillojmë riorganizimin e PD, situata është kritike

Gjin Gjoni ka folur pasi u zgjodh kryetari i ri i degës së Rithemelimit të Pd-së në qytetin e Lezhës. Ai ka falenderuar kolegët, të cilët thotë, bënë një garë dinjitoze.

Gjoni: Populli i Lezhës arriti që të më votëbesojë mua. Kjo është një përgjegjësi shumë e madhe. Falenderoj gjithë votuesit lezhjanë dhe familjen time për mbështetjen e deritanishme. Situata politike në të cilën ne ndodhemi është kritike.

PD-ja e Lezhës ka objektiva të qarta për 2025, të bashkuar siç jemi sot ne do fillojmë riorganizimin e partisë dhe njëkohësisht do fillojmë edhe përgatitjen për fushatën e 2025.

Gjoni triumfoi përballë dy kandidatëve të tjerë, Albert Rrusti dhe Paulin Marku me diferencë të thellë, duke siguruar 604 vota.

Rrusti siguroi 312 vota, ndërsa Paulin Marku mblodhi 131 vota, ndërsa në proces morën pjesë mbi 1100 anëtarë.

Dha dorëheqjen si gjyqtar para vettingut, Gjin Gjoni zgjidhet kryetar i Rithemelimit në Lezhë

Gjin Gjoni është shpallur kryetar i Rithemelimit në degën e PD-së në Lezhë. Gjoni, i cili ka arritur të marrë 604 vota ishte në garë me Albert Rrustin, i cili mori 312 vota dhe Paulin Markun, që arriti të sigurojë 131 vota.

Kjo nuk është tentativa e parë e ish-gjyqtarit per t’u bërë pjesë e politikës si pjese e PD.

Në vitin 2020 Gjin Gjoni u paraqit si kandidat në procesin e primareve të PD për t’u bërë deputet.

Por asokohe Lulzim Basha e skualifikoi duke sqaruar se asnjë gjyqtar apo prokuror që ka dhënë dorëheqjen nga vetingu apo është rrëzuar gjatë procesit të verifikimit nuk mund te jete deputet i Partisë Demokratike.

Gjin Gjoni mbante postin e gjyqtarit të Apelit në Tiranë kur dha dorëheqjen duke iu shmangur vetingut.