Detajet, pse u shoqëruan në policinë e Durrësit, djali dhe kushëriri i rivalit të Aldo Bares

Policia e Durrësit të premten ka shoqëruar djalin dhe kushëririn e Saimir Taullaut, pas një hetimi 4 mujor për prodhim dhe trafikim lëndësh narkotike. 

Mësohet se Sajmojen Taullau është djali i Saimir Taullaut, kurse Klajdi Taullau është kushëriri i tij i parë.

Saimir Taullau, biznesmeni nga Lushnja është i njohur si një nga rivalët e Aldo Bares.

Vitin e kaluar Taullau u arrestua në Maqedoninë e Veriut, pasi ishte dënuar me 4 vite burg nga Zvicra për trafik droge.

Po ashtu, Taullau ka qenë edhe subjekt i OFL-së si dhe i ka shpëtuar më parë dy atentateve, në 2017 dhe 2018 para lokalit të tij.