Detaje/ Motra në gjendje kritike për jetën, çfarë ndodhi me 4-vjeçarin në Shkodër!

Detaje të tjera kanë dalë në lidhje me ngjarjen e rëndë në Shkodër, ku një i mitur ka humbur jetën pasi dyshohet se është helmuar. 

Mësohet se edhe  motra e tij 7-vjeç, ndodhet në gjendje të rëndë ndërsa sipas spitalit mjekët kanë ndjekur të gjitha protokollet mjekësore. Bluzat e bardha bëjnë me dije se i kanë kërkuar familjarëve që fëmija të qëndronte në observacion për mbikëqyrje të mëtejshme por këta të fundit kanë firmosur dhe kanë zgjedhur ta marrin në shtëpi të miturin.

Një ditë më pas, gjendja e 3-vjeçarit është përkeqësuar ndjeshëm, dhe familjarët e kanë sjellë sërish në spital në gjendje shumë të rëndë. Ai është dërguar menjëherë në reanimacion, por fatkeqësisht nuk ka mundur të mbijetojë.