Dështimi i hetimit të dosjes “Toyota Yaris”, GJKKO merr të pandehur ish-kryeprokurorin e Vlorës, Aurel Zarka

Gjykata e Posaçme ka veçuar çështjen për ish-kryeprokurorin e Vlorës Aurel Zarka nga të pandehurit e tjerë që ndodhen në kërkim dhe pranoi kërkesën e SPAK për kalimin në gjykim të tij.

Zarka është marrë i pandehur për korrupsion dhe ushtrim ndikimi, ndërsa emri i tij doli pas zbërthimeve të aplikacionit “SKY ECC”.

Nga ana tjetët, gjykata ka veçuar dosjen për tre personat e tjerë, mes të cilëve ish-oficerja e BKH-së, Erjona Daupaj, avokati Radovan Çela dhe Astrit Vladi për shkak se nuk janë arrestuar ende nga policia dhe vijojnë të jenë në kërkim.