Denigronin figurat e titullarëve me të dhëna të rreme, në pranga punonjësja e AMP dhe një gazetar

Sektori për Hetimin e Krimeve Kibernetike ka arrestuar një punonjse të Agjencisë së Mbikëqyrjes policore dhe një gazetar. Gjithashtu në kërkim është shpallur shefi i sektorit në Drejtorinë e Përgjithshme të Agjencisë së Mbikëqyrjes Policore.

Sipas bluve në pranga ka rënë Regina Omeri, 34 vjeçe, punonjëse në Agjencinë e Mbikëqyrjes Policore në Drejtorinë Rajonale Durrës dhe Ervis Hasanaga, 35 vjeç, me profesion gazetar.

Në kërkim u shpall shtetasi K. S., 39 vjeç.

Gjatë hetimeve të kryera ka rezultuar se këta tre shtetas, në bashkëpunim me njëri-tjetrin, ndryshonin dhe fshinin të dhëna kompjuterike në formate teksti, pa të drejtë, për krijimin e të dhënave të rreme ndaj disa titullarëve të institucioneve të ndryshme, duke denigruar figurën e tyre, me qëllim paraqitjen dhe përdorimin e tyre si autentike, në një faqe interneti. Në cilësinë e provës materiale janë sekuestruar 2 celularë.

Vijon puna për identifikimin e shtetasve të tjerë të përfshirë në këtë veprimtari kriminale./vizionplus.tv