Burri vrau gruan me thikë, fqinjët zbulojnë motivet: Ishte xheloz, ajo i kishte kërkuar...

Fqinjët e prindërve të Klarita Ismalaj jashtë kamerave kanë thënë se ajo mund të jetë vrarë nga bashkëshorti për xhelozi, raporton abcnews.

Ata tregojnë se kohët e fundit mes tyre kishte nisur dhe një debat për një strehim të ri për nënën dhe babain e 45-vjecares.

Klarita i kishte kërkuar bashkëshortit që t’ju blinte prindërve të saj një shtëpi të re, jo në periferi të Fushë-Krujës ku ata banojnë, por në Bubq.

51-vjeçari e theri me thikë brenda makinës së tyre tip “Ford”, raporton abcnews.

Më pas Artan Ismalaja tentoi vetëvrasjen me të njëjtën thikë. Ka qenë roja i biznesit që ju afrua makinës dhe pikasi trupat e tyre të mbuluar me gjak. Artan Ismalaja u transportua në gjendje të rëndë për mjekim më të specializuar në kryeqytet.

Mbetet e paqartë se përse Artani dhe Klarita udhëtuan nga Tirana drejt Bubqit. Për të shmangur dëshmitarët, Artan e ka futur makinën në një zonë të vështirë në fshatin Bubq për të ndaluar brenda këtij muri rrethues, që i përket një fasonerie.

Çifti prej vitesh jetonte në Tiranë. Autori ka servis kamerash dhe kompjuterësh tek ish-stacioni i trenit në kryeqytet.