Burg për vrasësin e Sabrinës/ Elton Metaj përlotet para gjykatës: E doja, por i ati më kërcënonte

Elton Metaj do të qëndrojë në burg, pasi vrau ish-bashkëshorten e tij, Sabrina Bengajn.

Gjykata e Fierit i caktoi masën e sigurisë “Arrest në burg” 31-vjeçarit.

Ai pranoi fajin para trupës gjykuese, ndërsa u përlot kur tregoi arsyet pse, sipas tij, i mori jetën 23 vjeçares.

“Vjehrri më kërcënonte më thoshte se do të më vriste, armën e bleva për vetëmbrojtje. Unë e doja Sabrinën, por isha në presion”, tha ai para gjyqtarëve.

Vrasja ndodhi disa ditë më parë në fshatin Zhupan të Fierit, teksa e reja, nënë e një vajze, ishte në shtëpinë e prindërve të saj. Ndonëse ajo kishte urdhër mbrojtjeje, ish-bashkëshorti i mori jetën.