Brenda 24 orëve, vriten me thikë dy shqiptarë në Itali, edhe një tjetër i plagosur rëndë

As 24 orë nga vrasja e një shtetasi shqiptar në Itali, një tjetër është vrarë.

Mediat fqinje raportojnë se krimi i rëndë ka ndodhur gjatë natës në Marghera dhe viktima është 40-vjeçar shqiptar, identiteti i të cilit nuk dihet ende.

40-vjeçari është goditur disa herë me thikë, e për pasojë ka humbur jetën. Ndërsa i plagosur ka mbetur edhe vëllai i tij. Mësohet se sherri ka ndodhur në mes të rrugës.

Personat e dyshuar të vrasjes së shqiptarit dhe plagosjes së vëllait të tij janë dy persona me kombësi maqedonase. Ata janë vënë në pranga të Policisë italiane.

Ndërsa ditën e djeshme një 42-vjeçar shqiptar është qëlluar me thikë përpara një lokali në Bettola të Italisë. Viktima është identifikuar si Nikolin Nika, baba i dy fëmijëve dhe jetonte prej shumë kohësh në këtë qytet.