Bora zbardh vendin, ARRSH jep njoftimin e rëndësishëm: Bëni kujdes në këto akse rrugore

ARRSH njoftoi se në akset rrugore Hani i Hotit - Tamarë, Bogë - Theth, Ura e Zapodit - Shishtavec, Bulqizë - Peshkopi dhe Boboshticë - Dardhë, gjatë natës dhe në orët e para të mëngjesit, janë rikthyer reshjet e dëborës me intensitet mesatar.

Mjetet borëpastruese po punojnë për pastrimin e rrugës dhe shpërndarjen e kripës.

Qarkullimi vazhdon pa ndërprerje.

Rekomandohen përdoruesit e rrugës, të lëvizin me shpejtësi të reduktuar, për shkak të lagështisë në rrugë, të përdorin goma dimërore, në zonat me reshje bore, të respektojnë sinjalistikën rrugore, si dhe të ndjekin udhëzimet e Policisë Rrugore.