Bledari, babai-hero i tre fëmijëve që humbi jetën teksa luftonte me flakët në Lurë

Një ngjarje tragjike ka ndodhur ditën e djeshme në aksin Maqellarë–Peshkopi, ku humbi jetën 43-vjeçari Bledar Spahiu, punonjës i ADZM Dibër.

Spahiu, baba i dy fëmijëve, ishte nisur për të ndihmuar në shuarjen e flakëve në Parkun Kombëtar “Lurë – Mali Dejës”, por gjatë rrugës humbi kontrollin e mjetit dhe përfundoi në humnerë.

Fillimisht u transportua në spitalin e Dibrës, ku mori ndihmën e parë mjekësore. Për shkak të plagëve të rënda, u nis drejt Spitalit të Traumës në Tiranë, por fatkeqësisht ndërroi jetë gjatë rrugës.

Bledar Spahiu njihej si një punonjës i përkushtuar i shërbimit pyjor dhe i angazhuar në mbrojtjen e mjedisit. Humbja e tij ka tronditur komunitetin dhe kolegët në Dibër, ku ai ishte shumë i njohur dhe i respektuar.

Policia po heton rrethanat e aksidentit tragjik, ndërsa autoritetet lokale kanë shprehur ngushëllimet për familjen e viktimës.