"Ballkani nuk duhet kthyer në "fuçi baruti" ", ministri grek "ndërhyn" për negociatat e Shqipërisë me BE

Çështja e negociatave me Ballkanin Perëndimor, është prekur sot nga ministri i Jashtëm i Greqisë, Nikos Dendias i cili bëri apel Brukselit, për të pranuar në gjirin e saj Shqipërinë dhe Maqedoninë e Veriut.

“Greqia dëshiron dhe mund të jetë aleati më i ngushtë i Maqedonisë Veriore. Greqia, si një fqinj i drejtpërdrejtë, ka çdo arsye dhe interes për të siguruar stabilitetin, sigurinë dhe prosperitetin.

Dhe ne gjithmonë u themi partnerëve tanë evropianë se Ballkani Perëndimor nuk duhet të lejohet kurrë të bëhet përsëri “fuçi baruti” i Evropës. Ne po bëjmë çdo përpjekje për stabilitetin e Ballkanit Perëndimor” tha Dendias.

Gjatë vizitës në Maqedoni, ministri i Jashtëm grek u takua me krerët më të lartë të shtetit në Shkup.