Avokatët në mbledhje urgjente, Këshilli i Përgjithshëm mblidhet sërish pas dy ditësh

Komiteti Drejtues i Dhomës së Avokatisë ka përfunduar mbledhjen urgjente, e cila ka nisur rreth orës 15:00, ndërsa në fokus ka qenë situata e krijuar nga bojkoti i avokatëve dhe zhvillimet e fundit.

Siç raporton gazetarja Anila Hoxha, pas mbledhjes, Komiteti ka vendosur të thërrasë Këshillin e Përgjithshëm i Avokatëve më 23 shtator, në orën 13:00.

Në mbledhjen e Këshillit të Përgjithshëm pritet të analizohet ecuria e bojkotit, reagimi i GJKKO-së, si dhe masat që do të ndërmerren gjatë ditëve në vijim.