“Audi” përplas burrin me karrocë në Maliq, shoferi braktis mjetin dhe “ia mbath”

Një aksident automobilistik është regjistruar mbrëmjen e kësaj të enjte, rreth orës 21:30, në aksin rrugor “Zvezdë-Gollobërdë”, pranë urës të fshatit Zvezdë në Maliq.

Autoritetet policore raportojnë se një automjet tip “Audi”, ka përplasur një karrocë, ku për pasojë ka mbetur i plagosur drejtuesi i karrocës, shtetasi F. D., rreth 61 vjeç, banues në Zëmblak.

Ky i fundit është dërguar me urgjencë në spitalin e Korçës, ku po merr ndihmë mjekësore. Ndërkohë, drejtuesi i automjetit tip “Audi”, ka braktisur automjetin dhe është larguar nga vendi i ngjarjes.

Policia e Korçës bën me dije se po kryhen veprimet e mëtejshme për identifikimin dhe kapjen e shoferit të “Audit”. Gjithashtu, grupi hetimor po punon për sqarimin e rrethanave të aksidentit.