ARRSH njofton sot shpërthim të kontrolluar pranë Tunelit të Llogarasë në kuadër të punimeve për rrugët lidhëse

Autoriteti Rrugor Shqiptar (ARRSH) ka bërë të ditur se sot, në orën 11:30, do të kryhet një shpërthim i kontrolluar në kuadër të punimeve për ndërtimin e segmentit të rrugëve lidhëse me Tuneli i Llogarasë.

Sipas njoftimit zyrtar, shpërthimi do të realizohet rreth 1 kilometër nga dalja e tunelit, në drejtim të Palasës, dhe do të përdoren sasi të vogla eksplozivi për hapjen e trasesë së rrugës. Autoritetet theksojnë se procesi nuk do të pengojë qarkullimin e mjeteve.

ARRSH sqaron se punimet janë koordinuar me Policinë e Shtetit, me qëllim garantimin e sigurisë dhe menaxhimin e trafikut gjatë zhvillimit të ndërhyrjes.

Institucioni u bën thirrje qytetarëve dhe drejtuesve të mjeteve për mirëkuptim deri në përfundimin e plotë të punimeve.

Njoftimi:

‼️Njoftim‼️
Në vijim të punimeve për ndërtimin e segmentit rrugor të rrugëve lidhëse të Llogarasë, sot në orën 11:30, rreth 1km nga dalja e tunelit të Llogarasë, në drejtim të Palasës, është parashikuar të kryhet një shpërthim i kontrolluar me sasi të vogla eksplozivi, në funksion të hapjes së trasesë së rrugës, pa penguar trafikun.????
⚠️Punimet janë koordinuar me Policinë e Shtetit, me qëllim menaxhimin dhe garantimin e sigurisë së qarkullimit të mjeteve gjatë këtij procesi.
???? Kërkojmë mirëkuptimin e qytetarëve dhe drejtuesve të mjeteve deri në përfundimin e plotë të këtij procesi pune.