Arrestohen bosi i "Moncafe" dhe ish-kreu i Kadastrës Fier, dyshohet se falsifikuan letrat e tokave në Seman (EMRAT)

TIRANË- Kastriot Haskaj dhe Ertis Shehu janë arrestuar nga Policia e Shtetit për llogari të Prokurorisë Fier në lidhje me një çështje falsifikimi dokumentash pronësore në Seman.

Haskaj dhe Shehu ishin nën hetim prej muajsh ndërsa urdhër arrestet janë ekzekutuar mbrëmjen e sotme.

Haskaj njihet si pronari i linjës së kafes "Moncafe", dhe i hotelit me të njëjtin emër në qytetin e Vlorës. Ndërsa Ertis Shehu është ish-kreu i Kadastrës, ASHK.

Pritet ndërkohë finalizimi i operacionit për zbulimin e personave të tjerë të përfshirë./ZËRI