Arrestohen 7 persona dhe dy të tjerë shpallen në kërkim, reagon policia

Të paktën 7 persona kanë rënë në pranga, të dyshuar për akuza të ndryshme. Blutë njoftojnë se ka rënë në pranga një 32-vjeçar nga Tirana, i akuzuar për "Dhunë në familje” dhe “Plagosja e lehtë me dashje”. Blutë bëjnë me dije se është arrestuar edje një 44-vjeçar, i cili në bashkëpunim, ka kryer një vjedhje. Policia ka shpallur në kërkim bashkëpunëtorët e tij. Arrestohet 36-vjeçari nga Kavaja, i cili përplasi për vdekje një ditë më parë një 65-vjeçar. Mësohet se kanë rënë ën pranga për drejtim të makinës në gjendje të dehur tre të rinj, përkatësisht, 28, 38 dhe 37 vjeç. Gjithashtu, është arrestuar edhe një 32-vjeçar, pasi në gjendje të dehur është përfshirë në një aksident.

“Specialistët për Hetimin e Krimit në Komisariatin e Policisë Nr.4 bënë kapjen dhe ndalimin e shtetasit Y. A., 32 vjeç, i shpallur në kërkim për veprat penale "Dhuna në familje” dhe “Plagosja e lehtë me dashje”.

Nga specialistët për Hetimin e Krimit në Komisariatin e Policisë Nr.6 u bë arrestimi në flagrancë i shtetasit L. D., 44 vjeç, si  dhe u referuan materialet në Prokurorinë pranë Gjykatës së Shkallës së Parë Tiranë dhe punohet për kapjen e shtetasve F. H dhe E. L., pasi në bashkëpunim me njëri tjetrin, kanë vjedhur disa dritare alumini në magazinën në pronësi të shtetasit A. B.

Specialistët e Qarkullimit Rrugor bënë arrestimin në flagrancë të shtetasve :

S. Xh., 36 vjeç, pasi ditën e djeshme në Kavajë ka aksidentuar shtetasin L. V., 65 vjeç, i cili si pasojë e plagëve të marra ka ndërruar jetë ;

R. K., 28 vjeç, S. H., 38 vjeç dhe M. Ç., 37 vjeç, pasi u kapën duke drejtuar mjetet përkatëse në gjendje të dehur ; S. V., 32 vjeç, pasi duke drejtuar mjetin në gjendje të dehur është përfshirë në një aksident vetëm me dëme materiale dhe më pas është larguar nga vendngjarja.

Materialet i kaluan Prokurorisë së Rrethit Gjyqësor Tiranë, për veprime të mëtejshme”, njofton policia