AKU-së “i shpëton” mishi me antibiotik/ Dy ngarkesa pule të rrezikshme nga Brazili, njëra prej tyre u konsumua

Siguria ushqimore jo gjithmonë garantohet nga institucionet e Ministisë së Bujqësisë, ku janë inspektorët e ushqimit ata që  të kujdesen që tryeza e konsumatorit të jetë e mbushur me produkte ushqimore që kanë vlera, e jo baktere apo helmet e medikamente veterinare. 

Në vitin 2026 në vendin tonë janë futur 28.7 tonë mish pule me prezencë të lartë antibiotikësh.

Në rastin e parë kofshat e ngrira të pulës rezultuan me prani të lartë antibiotiku Docycycline. AKU i nisi hetimet për mishin me helme pasi e gjithë sasia prej 776 kg ( 1.7 tonë ) u ble nga qytetarët në supermarkete, restorante apo fast-food

Në dokumentet zyrtare të AKU thuhet se biznesi që  shiti mishin e pulës me ilaçe shkeli dhe rregullat e gjurmueshmërisë.

“ Bottom of FormNga kontrollet e ushtruara rezultoi se e gjithë sasia prej 1,776 kg mish pule me datë skadence 19.01.2027, importuar nga Brazili, ishte tregtuar dhe nuk ishte në gjendje në ambientin frigoriferik të subjektit. Po kështu, ky i fundit kishte mungesë të sistemit të gjurmueshmërisë në tregtimin e produktit ndaj subjektit u mor masa administrative “Gjobë” në vlerën prej ALL 100,000 (njëqind mijë lekë). ’’

Por ky nuk është rasti i vetëm që mishi i rrezikshëm me helme kalon traun e doganës dhe të AKU, edhe  pse kontrollorët e ushqimit janë çdo ditë në PIK.   Por ndryshe nga episodi i parë kësaj herë mishi i pulës  prej 26, 988kg ( 26.9 tonë ) me prezëncën e antibiotikut Tilmicosin për fat të mirë nuk mbërriti tek pjata e qytetarëve pasi e gjithë sasia e produktit u bllokua në kohë.

‘’Nga kontrollet e ushtruara rezultoi se e gjithë sasia prej 26,988 kg ( 26.9 tonë ) mish pule me datë skadence 12.02.2027, importuar nga Brazili, ishte e bllokuar në subjekt, në gjendje të izoluar në dhomë frigoriferike. Ky produkt nuk ishte shpërndarë në treg. Subjektit detyrohet të marrë masa për asgjësimin e produktit apo kthimin e tij në vendin e origjinës‘’.

Docycycline dhe Timicosin janë dy lloje antibitoku të cilat përdoren trajtimin e infeksioneve të rrugëve të frymëmarrjes tek shpendët.  Edhe pse antibiotikët  janë pjesë e PMV prania e tyre në produkt ka një kufi. Nëse i referohemi rastit të parë mishi i pulës kishte 7 mikrogramë\kg antibitok më tepër se norma e lejuar. Ndërsa ngaeksa e dytë e mishit të pulës  rezultoi të kishte 2.13 herë me tepër se kufiri që lejon Agjensisa Europiane e Barnave nga 75 mikgramë\kg, mishi i pulës  që erdhi në Shqipëri rezultoi 160 mikragramë\kg.

Edhe pse siguria ushqimore cilësohet si provimi më i vështirë që Shqipëria duhet të kalojë para se të behët pjesë e familjes Europiane, rastet e përsëritura që qytetarët janë ushqyer me mishi  të pashëndetshme, tregojnë se kontrollet AKU janë shumë larg kërkesave të BE.