Aksion në Fushë-Kuqe e Dobraç, SPAK arreston 2 ‘ushtarët’ e Ervis Martinajt! Njëri pjesë e grupit për eliminimin e Indrit Dokles

Forcat Operacionale kanë zhvilluar në orët e para të mëngjesit të sotëm (rreth orës 05:00) një operacion të befasishëm te Bajrat në Dobraç të Shkodrës dhe në Fushë-Kuqe (Kurbin).

Paraprakisht gjatë aksionit në Fushë-Kuqe janë arrestuar dy persona në kërkim për llogari të SPAK. Ata janë identifikuar si Elvin Merlika, pjesëmarrës në planin për eliminimin e Indrit Dokles sipas porosisë së Ervis Martinajt dhe Fred Xhixha i cili bëri të mundur takimin e Nuredin Dumanit dhe Ervis Martinajt.

Gjatë këtij aksioni bëhet me dije se Operacionalja kanë sekuestruar gjithashtu edhe armë zjarri.