Aksidentohet për vdekje minatori në Bulqizë

Një 60-vjeçar dyshohet se është aksidentuar për vdekje në një subjekt minerar, në Bulqizë.

Rreth orës 11.30, shtetasi me iniciale Z.M. u dërgua në spital pa shenja jete.

Policia njofton se po shoqëron personat përgjegjës, ndërkohë që grupi hetimor po punon për zbardhjen e rrethanave dhe dokumentimin e ngjarjes.

Ky është aksidenti i disatë brenda pak kohësh në minierat e vendit. Vazhdimisht, mungesa e kushteve në punë i vendos minatorët në rrezik për jetën.