Aksidentohet për vdekje 65-vjeçari në Kavajë, arrestohet drejtuesi i mjetit

Një ngjarje e rëndë ka ndodhur në Kavajë mëngjesin e sotëm, ku një 65-vjeçar ka mbetur i vdekur pasi u përplas nga një makinë. Policia njofton se ngjarja ka ndodhur në rrugën dytësore në Qerret, ku drejtuesi i mjetit, shtetasi S.Xh, 40-vjeç, e ka aksidentuar, duke i shkaktuar vdekjen.

“Kavajë/Informacion paraprak. Në rrugën dytësore, në Qerret, mjeti me drejtues S. Xh., 40 vjeç, ka aksidentuar këmbësorin shtetasin L. V., 65 vjeç, i cili si pasojë e plagëve të marra ka ndërruar jetë.

Drejtuesi i mjetit u shoqërua në Komisariatin e Policisë Kavajë, për veprime të metejshme hetimore. Vijon puna nga grupi hetimor për sqarimin e rrethanave të ngjarjes”, njofton policia.