Aksidenti në minierën e Katjelit, policia jep detaje: Ja çfarë shkaktoi vdekjen e minatorit!

Policia ka dhënë detaje mbi aksidentin e ndodhur në minierën e Katjelit në Prrenjas, ku humbi jetën minatori Sajmir Bego, 57-vjeç, i cili ishte dhe kryetar i sindikatës së minatorëve në atë zonë.

Sipas policisë, vdekja e 57-vjeçarit ka ardhur si pasojë e rrëshqitjes së masivit të mineralit.

"Rreth orës 18:00, në fshatin Katjel, Prrenjas, dyshohet se gjatë punës në minierën e kromit ka rrëshqitur një masiv minerali, dhe për pasojë ka humbur jetën shtetasi S. B., 57 vjeç.

Grupi hetimor ndodhet në vendngjarje dhe po vijon punën për sqarimin e plotë të rrethanave dhe dokumentimin ligjor të rastit", njofton policia.