Aksidenti me 5 viktima/ Hodhi në greminë furgonin në Qafë-Muzinë, burg pa afat për 22-vjeçaren

Jepet dhe masa e dënimit për shkaktaren e aksidentit me 5 viktima në aksin kombëtar Gjirokastër-Sarandë, në vendin e quajtur Qafë-Muzinë.

Mësohet se burg pa afat është masa e arrestit e përcaktuar për 22-vjeçaren Rexhina Celhaga, e cila me automjetin "Land Rover" hodhi në greminë furgonin.

Nga aksidenti mbetën edhe katër persona të plagosur, përfshirë këtu dhe vetë Celhagën, e cila ishte duke drejtuar mjetin tip “Land Rover” në momentin e përplasjes fatale me furgonin e linjës Tiranë-Sarandë.

Celhaga është transportuar në ambientet e institucionit të ekzekutimit të vendimeve penale në Tiranë pranë burgut të grave.