Aksidenti i rëndë i merr jetën 20-vjeçares shqiptare

Një aksident trafiku i mori jetën një vajze 20-vjeçare shqiptare me inicialet E.I, të martën pasdite, pranë Moudon në Zvicërr, transmeton albinfo.ch.

Aksidenti ka ndodhur saktësisht, afër Mudonit (Moudon), ku automjeti i 20-vjeçares u përplas me një makinë që udhëtonte në drejtim të kundërt, njofton policia.

Menjëherë pas aksidentit, ekipet mjekësore dolën në vendin e ngjarjes dhe konfirmuan vdekjen e vajzës shqiptare. Ndërsa shoferi i veturës tjetër është i lënduar rëndë, por jashtë rrezikut për jetën.

Rrethanat e aksidentit ende nuk janë të qarta.