Aksident në Vorë/ Përplasen dy makina, njëra del nga rruga, plagoset shoferi

Dy makina janë përfshirë në aksident rrugor pasditen e sotme, rreth orës 17:40.

Gjatë përplasjes njëra nga makinat ka dalë nga rruga dhe si pasojë është lënduar drejtuesi i mjetit, shtetasi A.H, 40 vjeç, i cili ndodhet në spital.

Policia ndodhet në vendin e ngjarjes dhe po heton rrethanat e aksidentit.

Njoftimi i policisë

Tiranë/Informacion paraprak

Me datë 13.05.2021, rreth orës 17:40, në Vorë, janë përfshirë në aksident 2 mjete, ku njëra nga mjetet ka dalë nga rruga. Si pasojë është dëmtuar drejtuesi i mjetit shtetasi A. H., 40 vjeç, i cili ndodhet në spital, nën kujdesin e mjekëve.

Grupi hetimor ndodhet në vendngjarje dhe po punon për sqarimin e rrethanave të ngjarjes.