Aksident në Tiranë/ 33-vjeçarja me Benz përplas qytetarin në mes të rrugës!

Një 33-vjeçare është arrestuar në Tiranë pasi ka aksidentuar një 50-vjeçar në zonën Fushë Kuqe-Gurëz. 

Mësohet se i plagosuri G.K., ndodhet në gjendje të rëndë shëndetësore si pasojë e përplasjes së fortë. 

"Specialistët e Sektorit të Qarkullimit Rrugor, arrestuan në flagrancë shtetasen M. Gj, 33 vjeçe, banuese në Tiranë.

Në rrugën rurale Fushë Kuqe-Gurëz, automjeti tip “Mercedes Benz” me drejtuese shtetasen M. Gj, është përplasur me një biçikletë të drejtuar nga shtetasi G. K, 50 vjeç, banues në Fushë Kuqe.

Si pasojë e përplasjes, 50-vjeçari ka pësuar dëmtime të rënda dhe është transportuar në Spital për ndihmë mjekësore. Materialet hetimore i kaluan Prokurorisë për veprime të mëtejshme, për veprën penale “Shkelja e rregullave të qarkullimit rrugor”, njofton policia.