Policia flet për aksidentin në Levan-Tepelenë, 7 të plagosur, edhe dy fëmijë

Një aksident automobilistik ka ndodhur mbëmjen e sotme (23 dhjetor) në aksin e autostradës Levan-Tepelenë , në afërsi të vendit të quajtur “24 orarëshi” në Poçem.

Policia tha se te plagosur kane mbetur shtate persona nga te cilet dy jane femije.

Njeri prej tyre, vetem 3 vjec, mesohet se eshte ne gjendje te rende per jeten.

Burime nga policia e Fierit pohojnë se janë përplasur dy automjete, e si pasojë janë plagosur dy fëmijë, të cilët po transportohen në urgjencën e spitalit Rajonal Fier, për t’u dhënë ndihma e parë mjekësore.

Në vendngjarje kanë shkuar forca të policisë rrugore dhe ekspertët, për të zbardhur rrethanat e këtij aksidenti.

Fier/Informacion paraprak

Rreth orës 19:50, në aksin rrugor "Levan-Tepelenë", automjeti tip "Nisan" me drejtues shtetasin R. Sh., është përplasur me automjetin tip "Honday" me drejtues shtetasin S. C.

Si pasojë e përplasjes janë dëmtuar dy drejtuesit e mjeteve, 3 pasagjerët në mjetin "Nisan" (18 vjeç, 12 vjeç dhe 10 vjeç) si edhe 2 pasagjerë në automjetin tip "Honday" (9 vjeç dhe 2 vjeç), të cilët ndodhen në spital, në kujdesin e mjekëve, jashtë rrezikut për jetën.

Grupi hetimor po punon për përcaktimin e shkakut të aksidentit.