Aksident në autostradën Tiranë – Durrës, makina humb kontrollin dhe përplaset me trafikndarësen

Një aksident është shënuar këtë mbrëmje në autostradën Tiranë – Durrës, në afërsi të qytetit të Vorës.

Sipas raportimeve, makina tip “Ford” me targa AA 236 RK, ka humbur kontrollin e mjetit dhe është përplasur me trafikndarësen.

Mësohet se në makinë, po udhëtonin 4 persona, tre djem dhe një vajzë. Fatmirësisht veç dëmeve materiale nuk ka pasur të lënduar.

Policia ndodhet në vendin e ngjarjes dhe po heton rrethanat e mundshme të aksidentit.