Aksident në aksin Elbasan-Cërrik, makina përfshihet nga flakët pas përplasjes me furgonin e pasagjerëve

Një aksident rrugor është regjistruar në aksin Elbasan-Cërrik, ku një makinë është përplasur me një furgon pasagjerësh dhe më pas është përfshirë nga flakët.

Sipas informacioneve paraprake, përplasja ka qenë e fortë, ndërsa menjëherë pas aksidentit makina ka shpërthyer në flakë.

Fatmirësisht nuk raportohet për persona të lënduar në asnjërin prej mjeteve.

Në vendngjarje kanë mbërritur shërbimet e emergjencës, ndërsa është dashur ndërhyrja e forcave zjarrfikëse për të vënë nën kontroll dhe shuar zjarrin që përfshiu automjetin.

Policia ka nisur hetimet për të zbardhur shkaqet dhe rrethanat e aksidentit.