Aksident i rëndë në Vlorë, ML-ja e zezë s`i ndalon Policisë, godet dy makina

Një aksident i rëndë ka ndodhur mbrëmjen e sotme në qytetin e Vlorës.

Përmes një njoftimi, Policia bën të ditur se një automjet tip ML me ngjyrë të zezë nuk i është bindur urdhërit të bluve për të ndaluar dhe në përpjekje për të ikur ka përplasur 2 makina të tjera (një prej të cilave mjet i Policisë së Burgjeve).

Përplasja ka qenë e fortë, duke bërë që automjeti të godasë edhe një shtyllë ndriçimi.

Në qytet vazhdon ndjekja e mjetit tip ML me ngjyrë të zezë nga ana e Policisë dhe deri më tani nuk ka informacione se kush mund të ketë qenë brenda makinës./a2