Aksi provizor Librazhd-Prrenjas, qytetarët thumbojnë: Vepër madhështore, sot duhet të kishim kulaç e daulle!

Pas 11 ditësh, më në fund aksi Librazhd-Prrenjas është zhbllokuar. Sot në orën 12:00, u hap segmenti provizor duke mundësuar kalimin e automjeteve që nuk lëviznin prej ditësh.

Megjithatë, disa drejtues mjetesh nuk e kanë kursyer ironinë.

“Bravo u qoftë, kantier më të madh s’kishim parë, vepër madhështore. Hallall i kanë të gjitha ato që kanë marrë dhe inshalla marrin edhe ca të tjera.

Sot do ishte mirë të kishim kulaç, të kishim daulle, si ajo e Qafë Plloçës që më parë u ça rruga sesa daullja.

Këto 11 ditë kanë qenë bukuri fare, kemi bërë një shëtitje andej nga Spathari, nëpër ato gropat në fushën e romakëve, rruga që kanë bërë romakët ishte më e mirë se kjo që kanë bërë këta këtu”, tha një prej tyre./Shqiptarja