Aksident i rëndë në Peqin/ Furgoni përplaset me “Benzin”, ndërrojnë jetë pasagjerët!

Një aksident i rëndë rrugor ka ndodhur në aksin Elbasan-Peqin në afërsi të fshatit Paulesh. Mësohet se furgoni që drejtohej nga shtetasi A. B., 44 vjeç, është përplasur me automjetin tip “Benz”, me drejtues shtetasin K. Sh.

Si pasojë e përplasjes kanë humbur jetën drejtuesi i automjetit tip “Benz” shtetasi K. Sh., dhe shtetasja F. Sh., 55 vjeçe, pasagjere në këtë automjet. Gjithashtu janë plagosur edhe drejtuesi i furgonit, shtetasi A. B., dhe 4 pasagjerë që udhëtonin me furgon, por fatmirësisht ndodhen jashtë rrezikut për jetën.

Policia ndodhet në vendngjarje për zbardhjen e plotë të rrethanave dhe shkakut të aksidentit.