“22-vjeçarja s’kishte mitër, ia mbajti e ëma fëmijën”, gjinekologu tregon rastin në Shqipëri

Ministria e Shëndetësisë ka hartuar një projektligjin “Për shëndetin seksual dhe riprodhues” që ka si qellim garantimin e të drejtave seksuale dhe riprodhuese të individëve, i cili ka për qëllim rregullimin ligjor kryesisht për teknikat e riprodhimit mjekësor të asistuar dhe ndërprerjen e shtatzënisë, përfshirë edhe shtatzënitë me surrogato.

Gjinekologu Astrit Bimbashi në një intervistë për  emisionin “Good Morning Albanians” në Euroneës Albania, tregoi rastin kur nëna kishte mbajtur fëmijën e vajzës pasi kjo e fundit e kishte të pamundur të lindte.

Ai theksoi se sot fëmija është 3-4 vjeç.

“ Kemi pasur një vajzë që ishte 22 vjeç, e ëma ishte 48-vjeç. Fëmijën nuk e mbante dot vajza dhe e mbajti e ëma. Është një çështje mentaliteti dhe risku. Vajzës i kishim hequr mitrën.  Sot fëmijën  e ka 3-4 vjeç”-tha ai.