Droga në kontenierin e bananeve, Gjykata e Durrësit shpall moskompetencë: Të kalojë në SPAK

Gjykata e Durrësit ka shpallur ditën e sotme moskompetencë për hetimin e mëtejshëm të drogës së kapur në kontenierin e bananeve në Portin e Durrësit. Prokurori Bledar Bejko kërkoi moskompetencë, me argumetin se i përket krimit të organizuar dhe se në këto kushte, dosja duhet t'i kalojë SPAK.

Kërkesën e prokurorit, gjyqtarja Eda Kaja e pranoi. Gjatë ditës së sotme, gjykata e Durrësit la në burg administratorin e kompanisë "Alba Exotic fruit", Barjon Gumenin.