Jo më gaz, ky është trendi i ri i konvertimit të makinave

Teknologji

Konvertimi i sistemit që fuqizon automjetet është një proces që kryhet masivisht prej shumë vitesh.

Arsyeja kryesore deri më tani ka qenë kursimi i karburantit, ndërsa tashmë duket se po shtohet edhe mbrojtja e mjedisit si një faktor.

Konvertimi i automjeteve me benzinë duke u shtuar një impiant gazi është mjaft popullore, si në vendin tonë, por edhe në shtete europiane si Italia.

Ndërkohë, në kontinentin tjetër, në Amerikë, ka nisur trendi i konvertimit të makinave në elektrike.

Merr lajme ekskluzive në Whatsapp

Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.

Procesi i ri konsiston në vendosjen e motorit dhe baterive të një automjeti elektrik në një makinë normale.

Makina “e re” mund të jetë tërësisht elektrike, apo mund të qëndrojë hibride duke përdorur edhe karburantin për t’i shtuar rrezen e udhëtimit baterisë elektrike.

Samuel Polyak, një mekanik nga New Jersey, është një prej disa entuziastëve të makinave elektrike, i cili po konverton prej disa vitesh automjetet.

Ai e themeloi kompaninë e tij në vitin 2014 me synimin për të shndërruar makinat që ndosin ambientin në automjete elektrike.

Çdo pjesë e motorit me djegie të brendshme hiqet dhe zëvendësohet me komponentë elektrikë sipas dëshirës së klientit.

Pothuajse çdo automjet mund të kthehet në elektrik dhe shumë njerëz zgjedhin një makinë të lehtë dhe aerodinamike që të shfrytëzojnë sa më shumë fuqinë e baterisë, raporton SCAN.

Shumë prej klientëve të tij, tregon Polyak, kanë zgjedhur të konvertojnë edhe modele luksoze automjetesh për të reduktuar ndotjen e ajrit.

Çmimi i konvertimit varion sipas modelit të automjetit dhe komponentëve që zgjedh klienti.

Çmimet variojnë nga 4 mijë dollarë deri në 20 mijë dollarë, ndërkohë që ofrohen edhe alternativa shumë më pak të kushtueshme.

ME TE LEXUARAT