Skënderbeu fiton Superkupën ndaj Laçit

Sport

Trofeu i parë sezonal në futbollin shqiptar shkoi në favor të Skënderbeut, në fundin e një ndeshjeje plot gola dhe emocione ku skuadra korçare mposhti Laçin 3-2.

Pavarësisht largimeve të lojtarëve, dënimit nga UEFA dhe ndryshimeve në pankinë, Ujqërit e Dëborës arritën të imponohen me meritë ndaj kurbinasve duke shtuar Superkupën në muzeun e klubit.

Merr lajme ekskluzive në Whatsapp

Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.

Ne dy trajnerë debutues në pankinat respektive dhe shumë eksperimente në formacion, fraksioni i parë nuk rezervoi asnjë gol me skuadrat që menduan më shumë për të ruajtur portën, sesa për të shënuar. Starti i pjesës së dytë solli prishjen e ekulibrave kur Lushkja i dha epërsinë Laçit pas një rrëmuje në zonë. Por shumë shpejt korçarët arritën të rikthejnë barazpeshën pas një goli të Alitit që u tregua i gatshëm në një goditje këndi.

Dejvi Bregu arriti të fitojë një penallti për Skënderbeun që u konvertua në gol nga Muzaka dhe skuadra korcare mori për herë të parë avantazhin por nuk e lëshoi më. Bregu thelloi diferencën me rrjetën e tretë në portën e Lacit duke hapur rrugën e trofeut drejt Korçës. Kjo nuk u cenua as nga goli i vonë i Xhixhës që vulosi ndeshjen 3-2. Kështu Skënderbeu pas kampionatit dhe Kupës, arrin të marrë edhe Superkupën, nisje fantastike për një ekip që ende pret drejtësinë për dënimin e UEFA-s nga Arbitrazhi sportiv në Lozanë.

ME TE LEXUARAT