Bayerni gati të thyejë rekordin e transferimeve për Griezmann

Gjigandi gjerman, Bayern Munich është i gatshëm të thyej rekordin e transferimeve të tyre për sulmuesin e Atletico Madridit, Antoine Griezmann.

“Bild” shkruan se ‘Bavarezët’ e kanë vënë yllin francez në krye të listës së tyre të blerjeve për vitin e ardhshëm.

Kreu i kampionëve të Gjermanisë, Uli Hoeness ka pranuar se do të shpenzojnë shumë para në tregun e verës së vitit 2019, transmeton RTKLive.

“Vitin e ardhshëm ne duhet të bëjmë një blerje më të madhe, pasi tani ne po i kursejmë paratë”, tha Hoeness.

Bayern Munich raportohet se do të jenë të gatshëm të shpenzojnë 200 milionë euro për blerjen e Griezmannit.