Topi i parë që prek e kthen në GOOOL, Mirlind DAKU dyfishon avantazhin ndaj Polonisë

Shqipëria ka shënuar golin e dytë ndaj Polonisë, në ndeshjen e vlefshme për kualifikueset e Europianit.

Mirlind Daku, i sapo futur nga stoli, shënon të dytin për kuqezinjtë. Ramadani hedh një top të bukur në zonë, sulmuesi Daku e kontrollon bukur dhe ia del ta dërgojë në fundin e rrjetës.

Emocion i madh për lojtarin, i cili pas golit, nuk i mbajti dot lotët. Më herët, shënoi në pjesën e parë Jasir Asani, në minutën e 37-të.