Shaqiri nuk e harron origjinën: E kam pasur ëndërr të luaj një herë në Kosovë

Xherdan Shaqiri në profilin e tij në Instagram ka postuar një mesazh prekës në lidhje me takimin e radhës të Zvicrës. Siç dihet ekipi helvet luan sot në Kosovë nj ndeshje të vlefshme për Grupin I.

Takimi në “Fadil Vokrri” nuk do të jetë një ndeshje normale grupesh pasi siç dihet shumë lojtarë të Zvicrës kanë lindur ose kanë origjinë në Kosovë. Njëri nga ata është padyshim edhe ylli i ekipit, Shaqiri, i cili ka lindur në qytetin e Gjilanit.

Për djaloshin nga fshati Zhegër kjo ndeshje do të thotë shumë, pasi sipas tij ka qenë ëndërr të luajë një herë në Kosovë. Shaqiri ka shfrytëzuar profilin e tij privat në Instagram për të treguar se do ta shijojë çdo sekondë të kësaj ndeshje.