Ronaldo, në Sllovaki me një orë 840,000 euro

Kombëtarja portugeze ka udhëtuar drejt Bratislavës. Shkak u bë ndeshja ndaj Sllovakisë për kualifikueset e Euro 2024. Ka bërë përshtypje Cristiano Ronaldo. Veç faktit që është superylli i vendit iberik, ai kishte diçka për të që binte në sy.

Konkretisht ora e dorës, e cila kushton 900 mijë dollarë. Domethënë 840.000 euro. Një shumë që nuk e diskutojmë për një punëtor të zakonshëm në Sllovaki, por kjo shifrë i kalon kontratat vjetore të futbollistëve të vendit të Europës Qendrore.

Konkretisht në dorën e majtë ai mbante një orë Caviar Tourbillon “Blue Sapphire” prej ari të bardhë 18K dhe një edicion të kufizuar prej 18 copë. Këllëfi është i dekoruar me 232 safirë blu, kurora me 16 safirë blu, ndërsa numri ka një set prej 140 safirësh blu.