Mërgim Berisha zgjedh Gjermaninë para Kosovës

Mërgim Berisha ka zgjedhur përfundimisht ta përfaqësojë Gjermaninë në futbollin në botëror, para atdheut Kosovës, sipas gazetës gjermane Bild.

Berisha, i lindur në Bavari nga prindër shqiptarë të Suharekës, e kishte lënë pezull thirrjen e atdheut për shumë vite në pritje të një feste nga Kombëtarja e Gjermanisë.

Dhe më sa duket, ai përfundimisht do të thirret nga trajneri Hansi Flick për ndeshjet e Gjermanisë në kualifikime për Kampionatin Evropian 2024 në fund të këtij muaji.

Gazeta gjermane Bild, ndër më seriozet në vend, raportoi sot se 24-vjeçari i Fenerbahces është thirrur në ekipin kombëtar gjerman për miqësoren kundër Perusë më 25 mars, si dhe për ndeshjen e parë kualifikuese për Euro 2024 kundër Belgjikës më 28 mars.

Berisha ishte në Prishtinë para disa muajve dhe bisedoi me zyrtarët e FFK-së për mundësinë për të luajtur për Kosovën.

Berisha, i huazuar në Augsburg nga klubi turk për këtë sezon, është duke shkëlqyer me tetë gola dhe katër asiste në Bundesligë.

Flick do ta bëjë zyrtare listën e Gjermanisë sot në orën 14:00.

Në një intervistë për “Br24sport” para dy javëve, Berisha sërish e pranoi se ishte duke e pritur Gjermaninë, pavarësisht se ishte dëshpëruar që nuk ishte thirrur për Kupën e Botës 2022 në Katar.

“Nuk do ta kisha probleme ta shtyjë datën (e dasmës)”, tha Berisha duke qeshur ai pasi u pyet lidhur me një ftesë të mundshme nga Hansi Flick për Kampionatin Evropian verën e ardhshme.

Berisha ka qenë pjesë e Gjermanisë U21 – duke i bërë 13 paraqitje dhe një gol dhe nuk ka luajtur më për të që prej se u shpall kampion evropian për të rinj verën e kaluar – por asnjëherë nuk ka marrë ftesë për ekipin A kombëtar.