Djimsiti nuk joshet nga Katari, mbrojtësi kuqezi refuzon propozimin e Al-Rayyan

Pavarësisht propozimit joshës të Al-Rayyan, Berat Djimsiti do të qëndrojë te Atalanta. Mbrojtësi i kombëtares, ka vendosur që të refuzojë skuadrën nga Katari, për shkak të dashurisë së madhe që ka për bergamaskët.

Së fundi, ishin shtuar së tepërmi zërat që e lidhnin Djimsitin me një largim të mundshëm nga Europa, por nuk do ndodhë kështu, ai do jetë nën urdhërat e Gasperinit për sezonin e ri që e pret ekipin.

31-vjeçari kontribuoi për klubin e Serie A në 37 ndeshje në sezonin e kaluar. Ai është pjesë e këtij grupi që në vitin 2017, periudhë në të cilën vinte nga Benevento.