Autorët hynë në vilën e tij, Roberto Baggio u plagos nga grabitësit gjatë ndeshjes Itali-Spanjë

Roberto Baggio, i konsideruar si një nga lojtarët më të mëdhenj të futbollit në histori, pësoi lëndime në kokë kur një grup kriminelësh të armatosur hynë në shtëpinë e tij në Altavilla Vicentina në veri të Italisë të enjten në mbrëmje.

Nga policia lokale nuk mund të jepen detaje të mëtejshme për shkak të një hetimi në vazhdim të ngjarjes, por grabitja ndodhi gjatë ndeshjes së Kampionatit Evropian midis Italisë dhe Spanjës, të cilën Baggio po e shikonte në TV me familjen e tij, sipas raportimeve të mediave lokale.

Baggio u përpoq të mbronte familjen dhe u godit me armë në kokë.

Incidenti ndodhi  rreth orës 22:00 sipas kohës lokale në Itali dhe zgjati për rreth 40 minuta, u tha Baggio gazetarëve jashtë spitalit në Arzignano, në veri të Italisë, ku mori qepje në kokë për plagën qe kishte mare.

Ai dhe familjarët e tij u mbyllën në një dhomë ndërsa hajdutët plaçkitën shtëpinë. Vlera totale e asaj që u vodh nuk është raportuar.

Vila dhe terreni kishin kamera sigurie dhe policia nuk ka bërë ende asnjë arrestim.

“Së pari, familja ime dhe unë dëshirojmë t'i falënderojmë të gjithë për dashurinë e madhe që kemi marrë,” tha Baggio në një deklaratë për ANSA .

“Gjithçka mund të ndodhë në situata të tilla dhe, për fat të mirë, dhuna që pësova shkaktoi vetëm disa qepje, mavijosje dhe shumë frikë.

Tani, më duhet të kapërcej frikën.”-tha ai.

Baggio – i cili luajti për Juventusin, AC Milan, Inter Milan dhe kombëtaren italiane ndër të tjera – doli në pension në 2004 dhe drejton një biznes të vogël bujqësor në vilën e tij të gjerë në Altavilla Vicentina, sipas mediave lokale.

Ai praktikon budizëm dhe zotëron një automjet modest , sipas raporteve të shtypit dhe mediave të tij sociale.

57-vjeçari bëri 56 paraqitje për Italinë, duke shënuar 27 gola dhe fitoi Topin e Artë në 1993, trofeun që i jepet çdo vit lojtarit më të mirë në botë./LAJMIFUNDIT.AL