Pas gjyqit të bujshëm Johnny Depp rikthehet në Hollywood si regjisor

Showbiz

Pas gjyqit të bujshëm Johnny Depp rikthehet në Hollywood si

Johnny Depp do të drejtojë filmin e tij të parë pas 25 vitesh, ndërsa rikthehet në Hollywood pas gjyqit të tij për shpifje kundër ish-bashkëshortes Amber Heard.

Sipas The Hollywood Reporter, aktori do të drejtojë filmin Modigliani, një biografi për piktorin dhe skulptorin italian Amedeo Modigliani. Depp do të jetë bashkëprodhues i filmit me Al Pacinon dhe Barry Navidi në atë që do të jetë filmi i parë që ai ka drejtuar që nga debutimi i tij artistik regjisorial me filmin e vitit 1997 The Brave.

Modigliani, i cili bazohet në shfaqjen e shkruar nga Dennis McIntyre dhe është përshtatur për ekran nga Jerzy dhe Mary Kromoloëski, e tregon artistin në Parisin e vitit 1916.

Merr lajme ekskluzive në Whatsapp

Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.

“I konsideruar prej kohësh si një dështim kritik dhe komercial, Modigliani kalon një 48 orash të trazuar dhe plot ngjarje që do të bëhet një pikë kthese në jetën e tij, duke forcuar përfundimisht reputacionin e tij si një legjendë artistike,” shkruan THR.

Sipas THR, prodhimi do të fillojë në Evropë në pranverën e vitit 2023 dhe casting-u do të zbulohet gjithashtu së shpejti.

“Saga e jetës së zotit Modigliani është ajo që unë jam jashtëzakonisht i nderuar dhe me të vërtetë i përulur ta sjell në ekran. Ishte një jetë me vështirësi të mëdha, por një triumf eventual – një histori universale njerëzore me të cilën mund të identifikohen të gjithë shikuesit”, tha Depp për The Hollywood Reporter.

Pacino dhe Navidi do të jenë producentë të filmit së bashku me Depp dhe IN.2. Kjo nuk është hera e parë që Pacino dhe Navidi punojnë së bashku. Dyshja kanë bashkëpunuar gjithashtu në filma si “Wilde Salomé”.

Lajmi për filmin vjen pasi Depp mori rolin e mbretit Louis XV në Jeanne Du Barry, roli i tij i parë në film që nga gjyqi i tij për shpifje kundër Amberit. Jeanne Du Barry shënon një rikthim për Johnny pasi pjesa më e madhe e Hollivudit e futi në listën e zezë pas akuzave për dhunë në familje nga Amber./Panorama Plus

ME TE LEXUARAT