Ndahet nga jeta aktorja e njohur, ylli i telenovelave të suksesshme

Rebecca Jones, aktorja e njohur meksikane, ka ndërruar jetë në moshën 65-vjeçare herët në mëngjesin e së mërkurës, më 22 mars.

Antagonistja e njohur e disa telenovelave para disa vitesh mundi kancerin në vezore dhe sot është raportuar se ka ndërruar jetë. Ndërsa fansat ankohen për humbjen e një ylli shumë të admiruar, agjencia e saj PR ka lëshuar një deklaratë të shkurtër.

Jones ndërroi jetë në paqe dhe me një mirënjohje të thellë për audiencën e saj. Me pikëllim të thellë duam të raportojmë vdekjen e të dashurës sonë dhe të admiruar Rebecca Jones.

Ata gjithashtu kanë shtuar se aktorja ka qenë e shoqëruar në çdo moment nga të dashurit e saj dhe në ditët në vijim do t’i thonë lamtumirën sipas dëshirës. Në nëntor 2022 ajo u shtrua në spital për pneumoni për shkak të një infeksioni.

Gjendja e saj fizike vitet e fundit është ndikuar pas kancerit që pësoi; edhe pse u shërua, trupi i saj ishte dobësuar dhe përkeqësuar nga kjo sëmundje. Deri më tani nuk është bërë i ditur shkaku i saktë i vdekjes së saj.

Karriera e saj si aktore filloi në televizionin meksikan, ku u shfaq në disa telenovela dhe seriale televizive, si “La Casa de las Flores”. Rebeca Jones u shfaq gjithashtu në disa filma meksikanë dhe ndërkombëtarë, si “El misterio de Trinidad”, “Vacaciones Separadas” dhe “Suite Deseo”.

Ajo ka luajtur edhe në shfaqje dhe është vlerësuar për punën e saj në televizion, duke u vlerësuar me disa çmime për pjesëmarrjen e saj në serialet si “Capadocia” dhe “Quién mato a Sara”. Ndër telenovelat në të cilat ajo luajti janë “Cuna de Lobos”, “El Ángel Caído” dhe “Imperio de Cristal”, ku ajo u dallua si një armike. Prodhimi i saj i fundit ishte “Cabo”.

Rebeca Jones u dallua për profesionalizmin e saj, shkathtësinë e saj si aktore dhe përkushtimin e saj ndaj artit dhe kulturës. Ajo lë një trashëgimi në industrinë e argëtimit meksikan dhe do të jetë një model për aktorët dhe aktoret e reja që kërkojnë sukses në botën e aktrimit.