Vedat Muriqi bëhet hero, Kosova barazon me Zvicrën në minutën e fundit

Vedat Muriqi barazon në sekondën e fundit pas insitimit të Rrahmanit dhe asistit me thembër të Korenicës.

90’+5’ GOOOL KOSOVA! Muriqi finalizon një aksion të shkëlqyer dhe barazon shfirat për “Dardanët”.

90’+3’ Vojvoda ndëshkohet me karton të verdhë pasi ndal një kundërsulm.

90’+2’ Krasniqi hyn në zonë nga e majta, pason në qendër por sheh sferën të largohet nga mbrojtësit.

90’ Jepen 4 minuta shtesë.

90’ Muslija tenton nga e majta me një gjuajtje-kros që kalon mbi traversën e Somer.

89’ Iten nga e majta e sulmit provon të shënojë në shtyllën e dytë, një devijim çon sferën në këndore. 

86’ Vojvoda provon me një gjuajtje nga jashtë zonës, ajo është shumë qendrore dhe nuk shqetëson Somer.

84’ Korenica merr vendin e Rashicës në fushën e lojës, ndërsa në anën tjetër është Okafor i cili hyn në vendin e Shaqirit.

79’ E pafat Kosova! Një gjuajtje e Frojler devijohet në portën e “Dardanëve” nga Rrahmani i cili proteston për një shtyrje dhe ndëshkohet me të verdhë.

77’ Zhegrova humb mundësinë për të shënuar teksa në kundërsulm nuk pason për shokët e skuadrës por kërkon gjuajtjen e cila bllokohet nga mbrojtësit.

74’ Goditje këndi për Zvicrën, Shaqiri harkon nga e djathta dhe gjen Shar në shtyllën e parë. Gjuajtja me kokë e mbrojtësit shkon jashtë ngjitur me shtyllën e dytë. 

71’ Situata zhvendoset në anën tjetër ku Muriqi lëshon një gjuajtje të fortë nga jashtë zonës, pa gjetur katërkëndorin e Somer.

70’ Shaqiri tenton me një goditje nga e djathta, por sfera kalon mbi traversë.

68’ Hadërgjonaj merr vendin e Loshajt në radhët e Kosovës.

65’ GOOOL KOSOVA! Rashica nga e majta nis një krosim perfekt për Muriqin i cili me kokë zhytet dhe mposht Somer, 1-1. 

64’ Ndoje dhe Iten marrin vendin e Amduni dhe Vargas në radhët e Zvicrës.

60’ Krasniqi jep spektakël teksa shmang Fernandes me një finte, harkon në zonë dhe gjen Muriqin por ky i fundit gjuan mbi traversë. 

54’ B. Berisha i lë vendin në fushë Krasniqit në radhët e Kosovës.

53’ Amduni merr topin në qendër të zonës, por nuk e kontrollon siç duhet dhe sheh sferën të kontrollohet nga Muriç.

50’ Berisha nga e majta mundohet të nisë një pasim në qendër për Rashicën, por sfera nuk kalon mes këmbëve të kundërshtarëve.

46’ Zhegrova dhe Muslija hyjnë në fushë në vend të Fazlijit dhe Valon Berishës.

45’+3’ Pjesa e parë mbyllet me avantazhin 1-0 të Zvicrës

45’+3’ Vargas nga e majta hyn në zonë dhe lëshon një diagonale drejt shtyllës së dytë, pa gjetur portën.

45’ Jepen 3 minuta shtesë.

45’ Muriqi niset në një tjetër kundërsulm premtues, por vijërojtësi e ndalon në pozicion jashtë loje.

42’ Aliti dhe Loshaj ndëshkohen brenda pak minutash me karton të verdhë nga kryesori për ndërhyrjet e tyre.

38’ Mundësi e mirë e Kosovës për të shënuar. Një top nga e djathta harkohet për Muriqin, me Akanzhi i cili devijon duke çuar sferën jashtë. Kosovarët kërkojnë penallti për ndërhyrjen e tij ndaj sulmuesit, por gjyqtaria e mendon ndryshe. 

36’ Fernandes nga e djathta nis një krosim që kthehet në gjuajtje drejt shtyllës së parë, Muriç me vështirësi e dërgon në këndore.

35’ Është Kosova e cila ka më shumë kontrollin e topit në këto minuta, por nuk arrin të krijojë shqetësime për portën e Somer.

31’ Një tjetër tentativë e Rodrigues nga distanca, pa sjellë shqetësime për Muriç.

27’ Paqarada nga e majta e sulmit harkon një top interesant në qendër ku Muriqi kërcen dhe gjuan me kokë, pa çuar sferën drejt katërkëndorit.

25’ Amduni mundohet të depërtojë në qendër të mbrojtjes dhe lëshon një gjuajtje të fortë, por që përfundon larg portës së “Dardanëve”.

21’ Rodrigues nga e majta tenton me një gjuajtje fluturimthi, sfera shkon shumë larg katërkëndorit të Muriç.

18’ Rashica është përsëri i pandalshëm mes mbrojtësve, duke pasuar për Muriqin i cili gjuan nga e majta, por gjen përgjigjen e Somer i cili grushton jashtë.

16’ Rashica niset i vetëm drejt zonës, shmang Somer dhe pastaj nis topin për Berishën i cili në mënyrë të pabesueshme e dërgon sferën jashtë me portën bosh. Vijërojtësi çon flamurin dhe bën të pavlefshëm aksionin. 

14’ Vjen goli i Zvicrës! Fernandes nga e djathta e sylmit harkon në zonë ku Frojler me të parën e dërgon në rrjete. 0-1.

11’ Rashica lëshon një gjuajtje të fortë nga jashtë zonës, Somer largon rrezikun me një grushtim.

9’ Shaqiri nga e djathta ka një mundësi të mirë për të shënuar por gjuajtja e tij përfundon në duart e Muriç.

6’ Një gjuajtje nga jashtë zonës përfundon lehtësisht në duart e Muriç.

1’ Nis dueli në Prishtinë.